كلاسيك تشيز كيك
الطريقه:القاعده كوب طحين-نص كوب لوز مطحون-تلت كوب سكر ناعم-90 غرام زبده (هاد بديل البسكوت هيك بتطلع اطيب) بتحطيهم جوا قالب الكيك و بتفركيه بس بشرط ماتدوب الزبده بين ايديكي و افرديهم منيح و حمريها من فوق شويبالفرن مو كتير تحمريها...
طريقة التشيز:500 غرام جبنة الريكوتا (ازا مو متواجده 500 غرام جبنة كيري)330 جبنه بطعم القشطه(انا بستعمل جبنة المراعي بطعم القشطه)4 بيضات+روح الفانيلا (السائله)-كوب وتلت سكر-ربع كوب عصير ليمون-ملعقه قشر ليمون...
بتخفقي البيض و السكر و بعدين باقي المكونات و قبل ماتديريها بالقالب على جنب دوبي ملقعه ونص صغيره نشا مع ملعقة مي و حركيهم منيح بعدين ديريهم مع الخليط وحركيه ثم ادهني حواف القالب شوية زبده مشان ماتلزق لما تيجي تفتحي القالب...و بتديريها فوق البسكوت اللي عملتيه القاعده...اخبزيها على حرارة 150 لمدة ساعه الاربع و ازا كان فرنك حامي بيكفي نص ساعه..و بعد ماتطفي عليها بتخليها بالفرن لمدة ساعه و بعد الساعه بتحطيها بالتلاجه لمده لا تقل عن 4 ساعات...و تقدم مع الفواكه الطازه و صحتين وعافيه